Bëgnodüs a Corvara
Chi sun pa?
Tres chësc portal dl Comun de Corvara arês sot man na ligna de informaziuns sura dötes les novitês y i ajornamënc. Nanter ater arês ince en cört na vijiun de nosta aministraziun y di organs de competënza. Dede na odlada a dötes les informaziuns reverdëntes l’atualité y les novitês de relevanza teritoriala.
Jun a scovrí le paîsc da Corvara: en iuvel nanter i crëps.
Corvara é en comun de 1.366 abitanc, ponü ite t’en plan tla ultima pert dla Val Badia, a 1.568 metri s.l.m. Al fej pert, adüm cun Badia, La Val, San Martin de Tor y Mareo, di cin’ comuns dla Val Badia y é tl medemo momënt ince le majer zënter. Le paîsc da Corvara é incërtlè ite da üna na pert da na ligna de crëps maestusc, sciöche l’Sassongher y le Grup dl Sela, y dal’atra pert dala munt de Pralongiá. Ince sön dötes les pizes incër ia pîtel odüdes de morvöia. Nanter ater fej Corvara pert dla Comunité Comprensoriala dla Val de Puster y é un di 18 comuns che formëia la Ladinia, la regiun storico-geografica dles cin’ valades olá che al vëgn rajuné le lingaz ladin. Chiló el da ciafé trëi grups linguistichs desvalîs: talian, todësch y ladin. Mo al á tl medemo momënt ince la perzentuala plö alta de zitadins cun le ladin sciöche lingaz dla uma de düc i raiuns ladins dles Dolomites.
Contac:
Ombolt
Rottonara Robert (Union Calfosch-Pescosta-Corvara)
Tel: +39 0471836184
Cell: +39 3357875565
E-mail: info@no-spam.corvara.no-spam.eu
E-mail (privata): info@no-spam.lafontana.no-spam.com
Junta de comun
Assessures
Nosta storia
Tambëgn l’paîsc da Corvara co ince chël da Calfosch á ciafé ressonanaza internazionala incër la fin dl 1800, canche ai á metü man de gní chirîs sö y aprijá lunc y lerch por süa posiziun de belëza nanter i crëps y por les bones poscibilitês de pratighé ativitês sportives d’invern y d’isté. Tl ann 1974 él gnü colaodé la pröma sëntadoia dla Talia, che coliâ le zënter abité cun la munt de Col Alt. Chësc á contribuí dassën al svilup dl setur dl turism, che é chersciü te na manîra importanta ti agn ’70. An po sënzater conscidré Corvara sciöche la cüna de döt l’turism dl Alta Badia: d’invern él en paraîsc por i apascioná dl schi, giulan al gran numer de pistes arjignades ca a puntin, y d’isté él la destinaziun ideala por escursciuns tla natöra a pé y cun la roda.
