La Scola verd!

Por fortüna él ma ste na simulaziun, mo al pudess sënzater suzed en dé che al vërdess la Ciasa dla Scola. Por ester almanco en pert arjigná y por ti mostré ai mituns y ales mitans le laur y l’importanza dla Uniun di Destüdafüch, él gnü metü a jí en mertesc ai 18. de otober na proa d’evacuaziun. Scomencé á döt incër les dües domisdé. Te scola él gnü fat en gran füm mo por fortüna é tosc i omi di Destüdafüch sta dan man. En valgügn omi é jüs tles classes y ti a splighé ai scolars y ales maestres che ai dess mantigní la calma y se stlü daîte. Püch dedô el rové adarlerch ince i Destüdafüch da La Ila cun la gran litra, che á condüt alalergia na pert  di mituns. La majera atraziun é stada la sbrisciadoia, che düc á sambëgn orü porvé fora ince ala fin, canche düt é ste stlüt ia. La proa d’evacuaziun é stada nanter ater ince na bona ocajiun por porvé fora l’implant de alarm y por se assiguré che düt funziones a puntin tla realté. Ala proa, che é gnüda coordinada dal comandant di Destüdafüch da Corvara Helmut Thaler, á tut pert ince i Destüdafüch da Calfosch y chi da La Ila cun süa litra. La simulaziun á duré endöt na te picera ora.